قصائد جميله لأجمل الشعراء

متميز : عدد المساهمات : 12

اتمنى تعجبكم

ما بين بعينك

ما بيّن بعينك على كثر ما جاك
لا واحسافة ليتني ما عطيتك

تخطي وأعذرك وأتحمل خطاياك
هويت غلطاتك كثر ما هويتك

ضحيت بالدنيا علشان دنياك
خليت كل اللي يبيني وجيتك

كنت بعيوني وين ما أطالع ألقاك
حتى لو غمضت عيني لقيتك

من كثر ما أحبك وأقدرك واهواك
ما أذكر اني في حياتي عصيتك

ولا فاد كل اللي أسويه وياك
أتعبت قلبي ليتك تحس ليتك

والحين روح أرجوك ساعدني أنساك
لا تجي حتى لو اني بغيتك

وان مر في بالي بقايا لذكراك
بحاول أنساها مثل ما نسيتك

(( خالد المريخي ))

عزة النفس

ينجرح قلب.. لكن ترتفع هامه
والله امي لاموت ولاانحني راسي
لو رماني زماني وسط..دوامه
العواصف شديده .. والجبل راسي
أنقل الحزن وامشي منتصب قامه
قاسي الوقت .. لكني بعد قاسي
واسمع الحلم يصرخ لحظه اعدامه
رابط الجاش ... ماهز الخبر باسي
عزتي غاليه ..والناس سوامه
قلت ماابيع حتى تقطع انفاسي
زانت ايام عمري .. شانت ايامه
مارجيت العزى من رحمة الناسي
من عجز لايدوس الهم باقدامه
لازم انه مع الايام ينداسي
يندمل جرح القلبٍ ..ماتت احلامه
بس ما اظن يبرى جرح الاحساسي
يوم صارت مابين القلب والهامه
وش ابي بالحياة الياانحنى راسي

(( مساعد الرشيدي ))

مليت

قالت لي مليت مليت ودي باحد غيرك .
جمع جروحك غني مشاويـــــرك.
واذا قضى صبرك جرب صبر غيرك .
لو اشغلك او عذبك طيفي.ابكي
واذا بكيت اكتب بدمعك شعر .
واشكي لمراسيلك .وباوعدك .
اذا صرخ جرحك ونادى دمعتي ..
تنزل عليك ...
باضحك مع ايامي معك ..
وآخذ على غدري عهد
ما يخلص لغيرك .اعذرني .
مليت مليت مليت .
ما تبيني ملت الصدق المشاعر ما تبيني
يا نور ايامي وسنيني اللي مضت يالظلام اللي بيجيني .
مابقى فيني بقايا فاتركيني ..
سل الحزن غدرك خناجر.وما لقاني فيك
والجرح نادى نادى يا محاجر.الدمع ما يكفيك .
ضاعت بديااتي ..بديت نهاياتي ..
واسأل اجاباتي ..هو انا اخطيت .؟
هو بقى في اللي بيجي يا ليت ..؟
ماتت اجاباتي ..قالت لي ..مليت
يا اكثر جروحي الاخيرة .
لو عرفتي اليوم قلبي ودعك .
يا آخر جروحي االكثيرة.
لو عرفتي اليوم ما عاد اذكرك . ومااذكر من اللي مضى الا غرامك والفراق .
وبعض اللقاء والاشتياق وكل الاحاسيس الصغيرة .
يا برد عمري يا هجيرة .
تخطين لو يخطر في بالك انك في بالي كل دقيقه .
وانك خيالي والحقيقه ..
واني احبك مها كنتي.
يا قيض عمري وزمهريرة ..
ان كان قلتي اني فقدتك ما صدقتي .
وان كان قلتي ما نسيتك ما صدقتي.
ولو عرفتي ما اذكر من اللي مضالي الا انتي .
وما اذكر الا اني انتهيت ..
وفي ليله ما فيها وفا قلتليلي مليت ..
يا انتي اخر اولي ..
لا تصدقي اني نسيت

(( عبد الرحمن بن مساعد ))

» الصمت له مميزات جميله ورائعه