السلام عليكم ورحمة الله وبركاته
هذه القصيده رائعه جداً وصح لسان الشاعر اللي كتبها
والمعذره لا أدري منه الشاعر ولكن عسى تعجبكم القصيده مثل ما أعجيتني
انا زعلان منك حيل وشايل لـك بقلبـي عتـاب
واتمنـى تحملنـي مثـل مـا اتحمـل عتابـك
ترى بعض الصراحة جرح وثقل ونرفزه واعصاب
ابي تسمع كلامي زين وتمسـك زيـن اعصابـك
تعاهدنا انـا وانتـه علـى إنـا نكـون احبـاب
واحبابك هـم احبابـي واحبابـي هـم احبابـك
وش الي غيرك فجـأه تكلـم واذكـر الأسبـاب
انا بسمع كلامك زيـن وبسمـع زيـن اسبابـك
رغم كل الخطاء منك فوجهك مـا قفلـت البـاب
ويوم اخطيت في حقك قفلـت فوجهـي ابوابـك
رخصت الغالي لعيونك حنيت لخاطـرك ارقـاب
رضيـت احنيهـا ارقابـي ولا تحنيهـا ارقابـك
كفايه تمتحني هم وخل مـن ذم فينـي وعـاب
ترى من عاب في غيرك ولو طال الزمن عابـك
ولا تفكر في يوم انساك او يشغلني عنك غيـاب
انا اتنفسـك اهـواك وفيـك امـوت واحيابـك
انا ما شوف احد غيرك جميـل بفتنتـه جـذاب
انا إعجابي فيك اعمى يفوق اعجـاب اعجابـك
انا مهما قسى قلبـي بكلمـه منـك احسـه ذاب
انا من زود عشقي لك عشقت العطر في ثيابـك
انا ياليت مغرم فيك انـا كلـي فغرامـك شـاب
احسك جزء مـن روحـي ولا اتحمـل غيابـك
ولا قد طاب لي جرحك ولو جرحي لذاتك طـاب
عجزت اقدر اشوف الدمع بـل اطـراف اهدابـك
ولكن كـل شـي إلا جـزاة الصـد بالترحـاب
إذا صديـت ترحابـي تـرى باصـد ترحـابـك
ولاني مرتضي ذلي ولـو كـان الهـواء غـلاب
إذا ماكان ترضا بي حشاء لا يمكن ارضـا بـك
ولاني قادر اتحمـل عشانـك غرسـت الأنيـاب
انا كلي غدى مجـروح مـن غرسـات انيابـك
تجافيني ولا همك ولا تحسـب لـي أي حسـاب
وانا من زود عشقي لك اصونك واحسب حسابك
ألآ يا قسوة الصدمـه تجينـي منـك الأصـواب
وانا الي كنت اقول الجرح إذا ما صابني صابـك
أمانـه قـول وش بقيّـت للعـذال والأغــراب
اذا هذا معي طبعـك اجـل وش حـال اغرابـك
تمرد كان يحلى لـك تعيـب فطيبتـي وتغتـاب
ولكني تـراي اكبـر مـن انـي يـوم اغتابـك
حقيقه اكتشفت انـك سخيـف بطبعـك الكـذاب
واني كنت لـك لعبـة سخيفـه تشبـه العابـك
انا عيبي غبي طيب وضنـي فيـك والله خـاب
ولا قـد كنـت اتوقـع تجافـي يـوم اصحابـك
انا جيتك بطيب الطيب وفيك الطيب ابد ما جـاب
ابي تعذرني ها القسوة لأن الطيـب مـا جابـك